真的達成夢想了！我就對這些寫真沒興趣。這位男仕返屋企可能都唔洗手。
「難得~有人待我這麼好~~如此照料周到~~」是喎，「雞排妹」鄭家純o尋日(28號)嚟到香港，我哋又搵到朱生朱寶生……佢哋就嚟個約會！
各位應該仲記得朱生，佢喺今年書展開鑼前一晚嘅凌晨3點去排到第二位，但都買唔到台灣「雞排妹」嗰本最新寫真《純》。被網民封為「毒L之光」嘅朱生日前接受我哋專訪 ，佢認為自己絕非「毒L」，仲同我哋剖白佢嘅內心世界。見「雞排妹」當日，朱生一早到場準備，佢嘅衣著明顯經過悉心打扮(比起之前專訪)，而外表嘅平淡都遮掩唔到佢緊張嘅心情，朱生一見到「雞排妹」就搞到濕晒……對手，係朱生自己雙手，點知？係「雞排妹」一見面同朱生握手時講㗎。之後佢哋坐喺梳化傾一輪偈，講吓大家喜好，互相了解一番……「雞排妹」之前講過會送本最新寫真畀朱生，佢真係講得出做得到，真‧真找數！朱生終於得償所願 —— 收到「雞排妹」本寫真呀！！！！佢仲有個特別要求o添，各位「雞排粉」葡萄？不過酸到一個點都要睇片。採訪：植詠珊（Cathy） 攝影：仇志德
拍攝：馮峰、Neo
